غصب عن حبابى عنيكى بنحبك وهنحبك

بسم الله الرحمن الرحيم

السلام عليكم ورحمة الله وبركاته

اللهم صل على سيدنا محمد وعلى آله وصحبه أجمعين وسلم تسليما كثيرا

أهلا أهلا أغلى ناس فى الدنيا كلها فى أغلى منتدى برضه فى الدنيا كلها

النهاردة أنا هكتبلكم قصيدة جميلة فى حب مصر

بس من حبى ليكم كلكم

كتبتها بإسمنا كلنا إحنا المصريين الطيبين أصحاب الأصالة والحضارة والشهامة والشجاعة

إحنا اللى أفضل كلمة مدح احنا نحب انها تتقال علينا هى إننا

مصـــــــــــــريين

يلا بينا نشوف إحنا كلنا هنقول إيه فى حب مصـــــــــــــر العزيزة أم الدنيا

القصيدة عنوانها هو

(( غصب عن حبابى عنيكى بنحبك وهنحبك ))

ياريتك يابلدى تقولى حاضر ما تكسيفيناش

راضية علينا وتدّى بس متجبيش

لينا احنا مين غيرك ياريت ما تسمعيناش

كلمة تقهرنا أو عاملة ما شفيتناش

ده احنا هنا بنّادى عليكى جنبك

ليه تدورى علينا بعيد واحنا فوق كتفك

ده احنا يامة اتمرمغنا فيكى وبين تراب رجلك

لما انتى كنتى ماسكة الورقة

بتعرفينا بخطة رسمك

رسمك اللى عشمنا بنور لما هينور

هيرسملنا إسمك

ويحفره فى التاريخ ويقول

إن احنا بإدينا دى

نقشناه على صخرك

فبخاطرك عشانا ما تسيبيناش

ده احنا اتولدنا ولما فتحنا عنينا

غيرك والله ما شوفناش

وجواكى حسّينا بأمان

برّاكى زيّه ما دُقناش

جايين بنجرى عليكى نحضنك

ليه ما تُحضنيناش

ده احنا فاتحينلك صدورنا بوسع إدينا

بالله عليكى حُضن واحد بس

ألا احنا من غير حضنك

والله ولا نسواش

نفسنا ولو مرة تاخدى خدودنا

وتحطيها على خدك

نحس فيها بحنانك مرة

وبدفا قلبك

أصل بصراحة بنتقهر ونموت

لما تسبينا نشوفك

بتدورى على حضن عدونا

إللى هو برضه عدوك

واحنا هنا بنبكى نار ودم

تحت رجليكى مستنيين حُضنك

بالله عليكى يا أما ولجلى وعشان خاطرى

ماتضربناش تانى ولا تالت

ده احنا أول ناس بنحبك

ولا حتى تبوّزى ف وشنا

ده احنا والله بنموت فيكى

وهنعيش ونموت برضه بنحبك

هتشربينا من نيلك هنحبك

هتسففينا رملك برضه هنحبك

هتلحسينا ترابك برضه غصب عنك هنحبك

يا ستى احنا راضيين بيكى كده وبنحبك

المهم انك تحبينا بس

واحنا هنحب على اديكى

ووالله كمان هنبوس على رجلك

بقلم / شريف رجب

وصل اللهم على سيدنا محمد وعلى آله وصحبه أجمعين وسلم تسليما كثيرا

والسلام عليكم ورحمة الله وبركاته[center]

رائع ياشريف

تحياتى

حماده احمد

e]size=18]center]استاذى شريف رجب تسلم الايادى وصح لسانك بارك الله فيك كلام جميل وراائع من انسان اروع
وطنى اصيل بكل الكلمة جزاك الله خيرا[/center][/size]

elking كتب:: رائع ياشريف

تحياتى

حماده احمد

أشكرك أخى الكريم الغالى
[center]

نعمة محمد عبد الرحيم كتب:: e]size=18]center]استاذى شريف رجب تسلم الايادى وصح لسانك بارك الله فيك كلام جميل وراائع من انسان اروع
وطنى اصيل بكل الكلمة جزاك الله خيرا[/center][/size]

أستاذتى العزيزة

نحن من نتعلم منكم الوطنية ونستمد منكم الأصالة

فأنتم معلمينا وأساتذتنا الموقرين

مرورك يسعدنى جدا

بارك الله فيكى وبارك الله لنا فيكى وجزاكى خير الجزاء
[u] king

» كلنا بنحبك يامصرمحمد وحنا بميدان التحرير