تحيا الوحدة الوطنية .............إلى أخويا القبطى

b]تحيا الوحدة الوطنية

7/ 1/ 2011
تحيا الوحدة الوطنية.. تعيش الوحدة المصرية.. تعيشى يا مصر قوية.. ومسلم ومسيحى فى حرية.. مسيحى ومسلم أرض مصرية.. لا فى تمييز ولا عنصرية.. إيدينا وحدة وطنية.. تحيا الوحدة الوطنية.. إيدينا فى إيدكم يا اخواتنا.. صلبة قدام أعدائنا..

نفسهم يهدوا وحدتنا.. نفسهم يدمروا أحلامنا.. عايزين يفرقوا ما بينا.. ويفرقوا وحدة أمتنا.. لا لا يا أعداءنا.. مش حتنجحوا فى خداعنا.. طول ما ربنا ويانا.. والحب والإخلاص معانا.. نقدر نتحدى الدنيا.. طالما إيدينا قوية.. تحيا قوة وحدتنا.. تحية لشهدائنا الغاليين.. تعيشى يا مصر قوية.. تعيش الوحدة المصرية.
إلى أخويا القبطى


بعزيك والحزن قايد نار.. إنت أخويا حبيبى وجار.. إنت زميلى صاحب عمرى.. راسمين أحلامنا طول المشوار.. مصيبة كبيرة جرحت روحنا.. وهزت جوه القلب جدار.. طفت لينا شموع العيد.. خلت حزن فى كل ديار.. خلت كل دموعنا تسيل.. خطفت بهجة وناس أبرار.. إرهاب جايب فتنة وجاى.. عايز يحطم .. شاف الحب بيروى قلوبنا.. هب الحقد فى قلبه شرار.. عايز يفرق بينى وبينك.. ويهز بلدنا واستقرار.. عايز يدبح فينا الحب.. وعايز الدم يسيل أنهار.. عايز يزرع شوك فى طريقنا.. يجرفنا بغدره فى التيار.. عايز يحقق هدفه الإسود..

نفسه بلدنا فى يوم تنهار.. بس الوحدة سلاحنا الأقوى.. ضد عدو جبان غدار.. مسيحى ومسلم مركب واحد.. سد منيع ضد الأخطار.. رمز الحب الأزلى الطاهر.. شعب موحد أحلى شعار.. لو جت شوكة لواحد فينا.. الألم يصيبنا كبار وصغار.. لو جت فتنة ودخلت بينا.. نشرب كل كاساتنا مرار.. أيوه الجرح كبير وصايبنا.. والقلب بيدمى ليل ونهار.. بكل صمودنا وحب وطنّا.. كل عدو رايح يحتار.. مهما يحاول أكيد هيخيب.. ويجنى بإيده الخيبة وعار.. إيدى فى إيدك نداوى جروحنا.. ونحمى بلدنا من الأشرار.. مصر وطنا الحضن الآمن.. مصر راعيها عظيم ستار.[/b]
[/b]